Saturday, January 23, 2010

ماشي شغل ؟

السلام عليكم
بما أنه ماشي مناسبات معقوله حاليا
الناس مشغوله بالفالنتاين على قولتهم
وأنا وحده ماحب هالسوالف
بس الشي الأكيد اللي أحبه واللي كل اللي أعرفهم يحبونه
الخساس ؟ والكاكاو
هيء هيء هيء
الخساس لأني أذكر في الدوام كانوا ربيعاتي يسوون فيني حركات أونه يطرشون ورد و هدايا
ومايدرون أنه أنا مسويه فيهن نفس الشي
ويوم كلنا اكتشفنا أنه كلنا نفكر بنفس الطريقة
يعني ماشي فايده في الخساس .. تأدبنا وماقمنا نسوي مقالب
قمنا نطرش الكاكاو بذمه وضمير - وطبعا بطريقة حلوه
وقلبنا الفالنتاين مالهم .. ليوم الصداقة والكاكاو العالمي
من جذه يقولون "الطيور على أشكالها تقع"
بس أنا هالمثل ماحبه لأنه شكله مسبه
بالانجليزي أضبط
Birds of a feather, flock together :)
يا عيني .. ياسلام
المهم
شو ياب هذا لهذا مادري
ماشي شغله حاليا لين رمضان والعيد أو خل نقول
ماشي مناسبه شاغله الناس عشان يتفنون فيها
وهاذي بعض الشغلات اللي انطلبت منا
يعني شغل .. شو أسوي ؟
عاد مايندرى هل هي خساس في حد
ولا هي حركه حلوه الواحد يستغلها فرصه ويهدي الكل
على العموم
"إليكم الصور"
PoP Cake
على قولة بنت اختيه
استخدمنا خرامات أحجام كبيره ومختلفه - دوائر
وشي قصيناهن بروحنا
استخدمنا مجموعة أختام خاصة و تلوين
أشرطة ملونه طبعا وورق مقوى بس خفيف شوي
حافة الدائرة منقطه بس هذا باستخدام الابره
عشان الشكل يكون مخرم ويعطى شكل دانتيل .. ومن هالعلوم يعني تعرفون
والباقي إن شاء الله لاحقا
وتوته توته خلصت الحدوته .. الساعه ١٢و عشر نص الليل
اعذروني مب راقده

1 comment:

  1. جميييييل جدا()
    بحثت عن الخرامات اللي تجي بأحجام كبيرةن بس م لقيت..
    ممكن تدليني ربي يسعدك؟أبغاها بسعر عقول..

    ReplyDelete